PASAY CITY — Sa harap ng masiglang pagtitipon sa Alyansa rally ngayong Martes (Peb. 18), muling binigyang-diin ni Senator Pia S. Cayetano ang kanyang paninindigan sa mga polisiyang magbibigay ng mas maayos na kinabukasan para sa mga pamilyang Pilipino.
“Mga nanay, isa lang naman ang ambisyon natin, na makita natin na maayos ang mga anak natin, hindi ho ba? Lumaki ng maayos, maging matino, may magandang kinabukasan,” Cayetano.
Dagdag pa nito, habang pinagtibay ang kahalagahan ng kalusugan, edukasyon, at kapakanan ng pamilya.
Ipinunto rin ng senadora ang mahahalagang batas na kanyang isinulong, kabilang ang mandatory immunization law, cheaper medicines act, at Doktor Para sa Bayan law na nagpapalawak ng access sa medical education.
“Ang mga batas na ito ay nilikha upang mabawasan ang pasanin ng mga magulang at matiyak ang mas malusog at mas ligtas na hinaharap ng susunod na henerasyon,” Cayetano.
Higit pa sa mga batas, hinikayat din ni Senadora Cayetano ang mga pamilya na alagaan ang kanilang kalusugan. Tinapos niya ang kanyang talumpati sa isang masayang squat challenge, bilang paalala na kahit maliliit na pang-araw-araw na gawain ay maaaring magdala ng mas malakas at mas malusog na sambayanan. (UnliNews Online)
