LUNGSOD NG MALOLOS, Bulacan — Naaresto ng Tracker Team ng Malolos City Police Station noong Martes (May 20) ang Top 1 Most Wanted Person ng nasabing lungsod nagsilbi ng pitong Warrant of Arrest laban sa akusado na may kasong qualified human trafficking.
Base sa ulat ng Malolos PNP kay Col. Franklin Estero, Bulacan provincial director (OIC), kinilala ang Top 1 Most Wanted Person sa alyas “Jason,” na inisyu ng Family Court (FC), Branch 4, Third Judicial Region, Malolos City, Bulacan, noong ika-9 Mayo, 2025 na walang piyansa.
Ayon kay Lt. Col. Rommel E. Geneblazo, Chief of Police nng Lungso ng Malolos, “ang Qualified Trafficking in Persons ay isang seryosong krimen na nagsasangkot ng pagsasamantala sa mga indibidwal sa pamamagitan ng puwersa, pandaraya, o pamimilit.”
Samantala, bago masakote ng Malolos PNP ang Top 1 MWP, nadakip ang Top 3 Most Wanted Person ng lungsod dahil sa paglabag sa Section 5, Article II at Section 11, Article II ng Comprehensive Dangerous Drugs Act of 2002 na inisyu ng Family Court (FC), Branch 4, Third Judicial Region, Malolos City, Bulacan, noong ika-7 Mayo, 2025 na may inirekomendang piyansa na P200,000.
Ayon Geneblazo, “ang matagumpay na operasyong ito ay patunay sa dedikasyon ng ating kapulisan na tiyakin ang kaligtasan ng ating mamamayan at papanagutin ang mga lumalabag sa batas.” (UnliNews Online)
