TANONG ng isang magtataho, ano ang nakaambang panganib sa buhay at ari-arian ng mga mamamayan sa Lalawigan ng Bulacan, na dapat pagtuunan ng pansin, lalo at papalapit na ang tag-ulan? At siya rin ang sumagot sa kanyang tanong, at ito ay ang pagbaha aniya.
Iyan ang isa sa pangunahing problema, ang pagbaha, na paulit-ulit na isyu dahil sa heograpikal na lokasyon nito at mabilis na urbanisasyon. Ang lalawigan ay nakahilig sa pagbaha, partikular sa panahon ng tag-ulan, na maaaring magdulot ng pinsala sa mga ari-arian, makagambala sa mga aktibidad sa ekonomiya, magdulot ng panganib sa kalusugan at mismo sa buhay ng kalahatan.
Naalala ko ang sinabi ni Bulacan Gov. Daniel Fernando sa interview naming mamamahayag, kamakailan, na magiging problema ang pagbaha, kung hindi maaagapan na ayusin ang nasirang rubber gate no. 3, na kanyang tinutukoy noon, Ito anya ay mararamdaman sa panahon ng tag-ulan o kapag may unos na dumating.
Kailangan maayos ng National Irrigation Administration (NIA) ang suliraning iyan. Kapag nagkataon malaki ang pinsalang maidudulot ng pagbaha at pagsira sa mga palayan at iba pang pananim.
Ang patuloy na krisis sa pagbaha ay hindi lamang nagbabanta sa agarang kabuhayan kundi nagdudulot din ng pangmatagalang panganib sa seguridad sa pagkain at katatagan ng komunidad sa Bulacan.
Batay sa ating nakalap na impormasyon, ang problema sa pagbaha ay tinutugunan naman ni Gobernador Daniel Fernando, sa pamamagitan ng multi-pronged approach.
Kabilang dito ang pagtataguyod para sa pinabuting pamamahala ng dam upang mas mahusay na makontrol ang mga paglabas ng tubig, ang pagtatayo ng isang malakihang megadike para sa proteksyon sa baybayin, at pamumuhunan sa mga upgrade sa imprastraktura tulad ng pinahusay na mga drainage system at pumping station.
Nakatuon din siya sa mas mahigpit na pagpaplano ng paggamit ng lupa upang maiwasan ang karagdagang pag-unlad sa mga lugar na madaling bahain at aktibong naghahanap ng suporta ng pambansang pamahalaan para sa mga malalaking proyektong ito.
Tsk! Tsk! Tsk! Ito ay paalala lamang. sapagkat simula pa noon na manungkulan ang mga nauna kay Gov. Fernando, ang Pagbaha, ay problema na sa nasabing lalawigan, subalit hanggang ngayon ay patuloy pa rin nagtitiis ang mga residenteng inilulubog ng maduming tubig baha, sapagkat hindi sila makaisip ng tamang solusyon sa suliraning ito.
Batid natin na may mga plano ng iniisip at ginagawa ang Administrasyon ni Gov. Fernando, na maapula ang masamang hatid ng pagbaha. Sana ay patuloy na ma-monitor iyan at ang implementasyon ng mga planong mapabilis na maialis o maihinto na nga ang pagbaha, lalo sa panahon ng walang tigil na pag-ulan at malalakas na bagyo. Antabayanan natin ang mga susunod pang kaganapan ngayong pagpasok ng tagulan.
Natuwa ang magtataho sa paliwanag ko, kaya muli binigyan niya ako ng libreng isang pitsel na taho na may arnibal na! Tanong ko sa kanya kung ano ang pangalan niya, sagot niya Takosa, parang tunog Takot sa Asawa. Naalala ko tuloy sina Pareng Iyo at Julius, hehehe. Hanggang sa muli. (UnliNews Online)
