CAMP ALEJO SANTOS, Bulacan — Patuloy ang pinaigting na kampanya kontra kriminalidad ng Bulacan Police Provincial Office (BPPO) na nagresulta sa pagkakaaresto ng 3 tulak ng iligal na droga at isang wanted sa batas noong Linggo (June 15).
Ayon sa ulat kay P/Col. Franklin P. Estoro, Officer-In-Charge ng Bulacan PPO, tinatayang nasa P114,920.00 halaga ng hinihinalang shabu ang nasamsam mula sa mga operasyon.
Base sa ulat, matagumpay na nagsagawa ng magkahiwalay na buy-bust operation ang Station Drug Enforcement Unit ng Bocaue at Obando MPS, kung saan naaresto ang tatlong suspek. Nakumpiska mula sa kanila ang siyam na plastic sachet ng hinihinalang shabu na may kabuuang halagang P114,920.00, kasama na ang marked money.
Ang mga naarestong suspek at nakumpiskang ebidensya ay agad na dinala sa Bulacan Provincial Forensic Unit para sa nararapat na pagsusuri.
Kasalukuyan nang inihahanda ang kasong paglabag sa RA 9165 (Comprehensive Dangerous Drugs Act of 2002) laban sa mga suspek.
Samantala, sa isinagawang manhunt operation ng tracker team ng Pandi Municipal Police Station, naaresto ang isang wanted na indibidwal na kinilala sa alias “Mona” siya ay naaresto bisa ng warrant of arrest para sa kasong Dangerous Drugs (R.A. 9165 Art. ll Sec. 5 PARA 1) in Relation to Sec. 26, Comprehensive Dangerous Drugs Act of 2002 – Possession of Dangerous Drugs na inilabas ng Presiding Judge ng Regional Trial Court, Branch 76, Lungsod ng Malolos, Bulacan.
Binigyang-diin ni Col. Estoro, na sa ilalim ng kanyang pamumuno, hindi magpapahuli ang Bulacan PPO sa laban kontra kriminalidad.
Aniya, “Patuloy ang aming determinasyon na tugisin ang mga lumalabag sa batas upang matiyak ang katahimikan at kaayusan sa buong lalawigan ng Bulacan.” (UnliNews Online)
