LUNGSOD NG MALOLOS — Binisita ni Ambassador of India to the Philippines His Excellency Shri Harsh Kumar Jain ang Magnetic Resonance Imaging (MRI) Section ng Department of Radiology ng Bulacan Medical Center kahapon.
Pinuri ng Indian Ambassador si Gobernador Daniel R. Fernando sa mga tagumpay na nakamit ng lalawigan sa kanyang panunungkulan, partikular ang instalasyon ng kauna-unahang made-in-India na MRI sa Bulacan Medical Center, ang nangungunang institusyon na gumamit ng makabagong sistema.
“The installation of this high-tech MRI at Bulacan Medical Center also reflects his commendable vision for the health care of the people of the province,” ani Jain.
Itinampok din niya na ang open MRI ay sumisimbolo sa pandaigdigang kolaborasyon sa pamamagitan ng pagsasama-sama ng teknolohiya ng US, international certification kagaya ng USFD&C, at kahusayan ng India sa pagmamanupaktura, na nag-resulta sa isang technologically advanced, environmentally responsible, at globally competitive na produkto.
“As the country’s first open MRI, it enhances patient comfort, reduces operational complexity, and is environmentally sustainable. It is innovation aligned with compassion, technology that serves both people and the planet,” anang ambassador.
Samantala, ipinahayag ni Fernando ang kanyang hangarin na mapalalim ng naturang pagbisita ang pagkakaibigan sa pagitan ng India at Bulacan, at magbukas ito ng mga bagong oportunidad para sa lahat.
“With your excellency’s visit to Bulacan, we wish to explore new avenues for cooperation, whether in healthcare innovation, education, cultural exchange, and infrastructure. We look forward to working closely with you and your team to further strengthen these relations,” anang gobernador.
Ininagurahan noong Oktubre 2025, ang state-of-the-art at world-class na open MRI na nasa BMC ang kauna-unahang locally-funded na MRI yunit sa buong bansa. (UnliNews Online)
KAPSYON:
Bumisita si Ambassador of India to the Philippines His Excellency Shri Harsh Kumar Jain sa Magne!c Resonance Imaging (MRI) Unit ng Department of Radiology ng Bulacan Medical Center nung Huwebes (Feb. 12) na sinamahan nina (mula kanan) Gobernador Daniel R. Fernando, Panlalawigang Tagapangasiwa Antonia V. Constan!no, Bulacan Medical Center Chief of Hospital Dr. Angelito D. Trinidad, Provincial Health O1cer II Dr. Hjordis Marushka B. Celis, at Pinuno ng Provincial Health O1ce-Public Health Dr. Edwin P. Tecson. (Larawan mula sa PPAO)
