MANILA — Nakumpiska ng mga operatiba Philippine Drug Enforcement Agency (PDEA) ang humigit-kumulang 25 kilo ng hinihinalang shabu na nagkakahalaga ng P163.2 milyon at naaresto ang tatlong lalaking suspek sa isinagawang joint buy-bust operation noong Biyernes ng gabi sa Barangay Masin Norte, Candelaria, Quezon.
Ang naturang operasyon ay inilatag ng PDEA Regional Office-National Capital Region kasama ang PDEA-Regional Office 4A, sa koordinasyon ng PNP Quezon Provincial Drug Enforcement Unit (PDEU) at Candelaria Police Station bandang alas-7:20 ng gabi sa Purok 2 ng naturang barangay
Batay sa ulat PDEA Regional Office-National Capital Region Kay Director General Isagani R. Nerez, kinilala ang naarestong mga suspek na sina alyas “Jack,” 42 anyos, magsasaka mula sa Zamboanga City; alyas “Nor,” 31, isa ring magsasaka mula sa Zamboanga City; at alyas “Anor,” 43, isang tricycle driver mula North Cotabato.
Nakumpiska mula sa mga suspek ang 1 violet-colored pack na naglalaman ng vacuum-sealed plastic pack ng hinihinalang shabu na tumitimbang ng humigit-kumulang 1 kilo, na nagsilbing subject ng pagbebenta, at 24 na karagdagang kulay violet na pakete na naglalaman ng hinihinalang shabu na tumitimbang ng humigit-kumulang 24 kilo.
Ang kabuuang timbang ng nasabat na shabu ay tinatayang na sa 25 kilo na may karaniwang halaga na P163,200,000.00.
Narekober din ang buy-bust money, 1)itim na Toyota Fortuner, 2 analog phone, 1 Android phone, at iba’t ibang identification card.
Ang mga nasamsam na ebidensya ay isusumite sa PDEA Laboratory Service para sa forensic examination.
Sasailalim ang mga naarestong suspek sa inquest proceedings para sa paglabag sa Sections 5 (Selling of Dangerous Drugs) at 11 (Possession of Dangerous Drugs), Article II ng Republic Act No. 9165, o mas kilala bilang Comprehensive Dangerous Drugs Act of 2002. (UnliNews Online)
