CITY OF MALOLOS, Bulacan — Personal na tinanggap nina Punong Lungsod Abgdo. Christian D. Natividad, Kon. JV Vitug at Chief of Staff Fernando E. Durupa ang donasyon na Patient Transport Service Vehicle (PTV) mula kina Philippine Charity Sweepstakes Office (PCSO) General Director Melquiades A. Robles, at Director Jennifer Liongson-Guevara.
Isa ang Lungsod ng Malolos sa kwalipikadong benepisyaryo ng proyekto ng PCSO sa pamamagitan ng pakikipag-ugnayan nina Kon. Vitug, bilang Chairperson ng Committee on Health and Social Services, at Punong Lungsod Abgdo.Christian D. Natividad.
Inaasahan na ang karagdagang PTV ay malaking tulong sa Lungsod sa pagtugon sa mga pangangailangan sa sektor ng kalusugan. (UnliNews Online)
Photo credits to A. Chua
