BOCAUE, Bulacan — Isang bodega nang paputok ang sumabog Huwebes ng madaling araw na ikinasugat ng labing walo katao at tumupok ng ilang bahay sa Barangay Bunducan sa nabanggit nabayan.
Base sa inisyal na ulat ng Bocaue Bureau of Fire and Protection (BFP) naganap ang pagsabog dakong alas-2:10 ng madaling-araw na nagsimula sa bodega ng paputok na pag-aari ng isang Nenita Oprecio.
kay Fire Senior Insp. Earl Mariano, Fire Marshal ng Bocaue BFP nagsimula ang pagsabog nang mayroong nag-spark sa nasabing bodega at makalipas ng ilang minuto ilan minuto ay bigla na itong sumabog at unti-unti nang kumalat ang apoy sa mga kalapit-bahay.
Nabatid na 18 katao ang nagtamo ng minor burn injuries at wala namang iniulat na nasawi sa nasabing sunog na umabot sa ikalawang alarma.
Napag-alaman na marami umanong naka-imbak na mga paputok at mga finished fireworks products sa nasabing bodega kung saan nagkalat sa paligid ng pinangyarihang insidente ang mga fireworks materials gaya ng mga luces at fountain.
Una ayon sa mga saksi, nakarinig ang mga residente ng malakas na pagsabog na nagdulot ng pagkasira ng mga bintana at kisame ng mga kalapit-bahay.
Ayon kay Col. Relly Arnedo, Bulacan provincial director hinihinalang mayroon mga naka-imbak na mga pulbura at iba pang mga kemikal sa paggawa ng paputok sa nasabing bodega na siyang iniimbistigahan ng kapulisan.
Idineklara naman ng Bocaue BFP na fireout na ang sunog bandang alas-5 ng umaga habang ang mga nasugatang biktima ay dinala sa mga pagamutan. (UnliNews Online)
