CAMP ALEJO SANTOS, Bulacan — Naaresto ng mga operatiba ng Malolos City police ang tatlong most wanted persons sa bisa ng iba’t ibang warrant of arrest para sa kasong Qualified Theft under Article 310 ng Revised Penal Code noong Monday ng hapon. (May 25).
Batay sa ulat ni PLt. Col. Rommel E. Geneblazo, Hepe ng Malolos CPS, nagsagawa ang kanilang mga tracker team ng magkakahiwalay na manhunt operation na nagresulta sa pagkakaaresto ng 3 mga akusado sa Brgy. Bulihan at Brgy. Ligas, Malolos City, Bulacan.
Ang mga naarestong akusado ay nasa kustodiya ngayon ng Malolos CPS para sa tamang disposisyon bago ang kanilang turnover sa korte ng pinagmulan ng warrant of arrest.
Pinapurihan ni P/Col. Jay B. Baybayan, Officer-in-Charge ng Bulacan Police Provincial Office, ang matagumpay na operasyon ng Malolos CPS at muling tiniyak ang mas pinaigting na kampanya laban sa mga nagtatangkang umiwas sa batas.
“Ayon sa kanya, ang tuloy-tuloy na paghahain ng warrant of arrest at walang humpay na manhunt operations ay patunay ng matatag na paninindigan ng kapulisan na panatilihin ang kaayusan at tiyaking mananagot ang sinumang lumalabag sa batas. Hinikayat din niya ang publiko na patuloy na makiisa at makipagtulungan sa kapulisan upang mapanatili ang isang ligtas, maayos, at mapayapang pamayanan sa buong lalawigan ng Bulacan.” (UnliNews Oline)
