CAMP ALEJO SANTOS, Bulacan — Isang 62-anyos na suspek sa pamamaril ng isang senior citizen ang naaresto sa Brgy. Sulucan, Angat, Sabado ng umaga (Abril 18), habang mabilis namang naaresto ng pulisya ang suspek sa isinagawang follow-up operation.
Ayon sa ulat ni, P/Maj. Joel M. Alba, Hepe ng Angat MPS, naganap ang insidente bandang alas-8:00 ng umaga sa Tubao 2 Road at agad na rumesponde ang mga tauhan ng Angat Municipal Police Station matapos makatanggap ng tawag ukol sa pamamaril.
Dinala ang biktima ng Angat MDDRMO sa Norzagaray Municipal Hospital para sa agarang lunas, subalit idineklara itong dead on arrival ng attending physician.
Sa isinagawang imbestigasyon, nakilala at naaresto ang suspek na isang 62 taong gulang, residente ng Brgy. Angat, Bulacan. Siya ay kasalukuyang nasa kustodiya ng Angat MPS para sa kaukulang disposisyon.
Patuloy ang masusing imbestigasyon sa insidente habang hiniling na rin ang tulong ng SOCO team para sa mas detalyadong pagsusuri sa pinangyarihan ng krimen. Inihahanda na ang pagsasampa ng kasong Murder laban sa suspek sa Tanggapan ng Provincial Prosecutor sa Malolos, Bulacan. (UnliNews Online)
