Monday, May 20, 2024
Amana Water Park
HomeOpinionKatropa sa UnliNewsGinang nilaslasan ng bag at ninakawan

Ginang nilaslasan ng bag at ninakawan

MAGNANAKAW! Kawatan! Mang-uumit! Mandarambong! Masasamang loob! Ito ang mga katagang talagang masasambit ng biktimang nalaslasan at ninakawan ng mga importateng bagay sa kanyang lukbutan.

Hindi inaasahang pagkakataon ay napadako tayo sa Karihan nila Myrna at Noel, sa bayan ng Sta, Maria, Bulacan, bandang hapon ng Sabado, Hulyo 15, 2023, doon ay ating nakita ang isang ginang na naguumiyak, habang isinasalaylay sa magasawang Noel at Myrna ang kanyang naging mapait na kapalaran ng araw na iyun, ng sumakay siya ng jeepney, na biyaheng Sta. Maria at Angat, pawang mga bayan sa Lalawigan ng Bulacan.

Ang ginang na mistisahin na may makinis na kutis at nasa hustong gulang, ay nagsabing may lumaslas ng kanyang bag na may lamang perang umaabot sa walong libong piso, isang celpon na Samsung at mga ID tulad ng GSIS. Aniya, hindi niya alam kung saan nangyari ang paglaslas.

Ang inyong Katropa ay nagpakilala at nagtanong kung nasaan ang laslas? At inilabas nito ang bag na may hiwa na nakapaloob sa isang plastic bag na aniya, ay may nagbigay sa kanya ng naturang plastic bag sa nabanggit na Simbahan.

Ayon sa biktima na nakiusap ng huwag na siyang ipakilala, ay nagsabing,“ papunta ako sa Simbahan ng Sto. Cristo, Siling Bata, Pandi. Nang ako ay bumaba sa jeep, at kinapa ko ang aking celpon, gayundin ang aking pitaka, kung saan andoon ang aking perang 8K pesos at mahahalagang pagkakakilanlan, ay wala na. Dito ay napansin ko na may malaking hiwa sa gilid ng aking bag. Matapos niyon ay inireport ko sa pulisya.”

Tsk! Tsk! Tsk! Binanggit pa niya na kaya siya ay sumakay ng jeep, papunta sa kanyang paroroonan, ay dahil nasa pagawaan ang kanyang kotse at siya ay isang empleyada ng gobyerno, Nabanggit pa nito siya ay naglakad lamang mula sa Brgy Siling Bata, Pandi, papunta sa Karinderya ng magasawang Noel at Myrna, na umaabot sa humigit kumulang sa 7 kilometro ang layo. Dahil sa awa ng magasawang Noel, ay hinikayat nitong kumain sa kanilang restawran ang ginang, at ayon kay Myrna, dahil sa awa ay bibigyan niya ito ng pamasahe pauwi mula Bulacan hanggang sa sakayan sa Buendia, Makati, pauwi ng Lucena City.

Habang nakatitig ako sa tilang may pinag-aralang ginang ay hindi ko mawari ang ‘energy’ nito sa paglalakad ng malayo. Naisip ko na dahil sa kanyang abang kalagayan, magmula sa Simbahan ng Sto. Cristo, ay tiyak na may magbibigay sa kanya ng pamasahe o ihahatid siya sa terminal ng mga sasakyan sa Sta. Maria, Bulacan.

Nang mga sumandaling iyun, ay naging malikot ang aking isip, kung totoo nga ang pangyayaring kanyang isinalaysay sa amin? Hindi ko mawari kung ako ay maniniwala at maaawa, o magiisip na ito ay isang pamamaraan lamang para kumita ng pera o modus operandi? Kaawa-awa, sa panahon ng tag-hirap ay maraming umuusbong na masasamang gawain, tulad ng nasasaad dito. Magkagayunpaman, ingatan ang ating mga gamit laban sa mga masasamang loob, sa mga magnanakaw at mapanlinlang. Hanggang sa muli. (UnliNews Online)

Vic Billiones
Vic Billioneshttp://unlinews.org
VIC Billones lll was born and raised in Manila, Philippines. He started writing short stories and illustrating in Comics competitively while studying B. S. Journalism at the Lyceum of the Philippines, Intramuros, Manila, in 1977 and graduated in 1981. After graduating from college, he started to write and work in several national newspapers such as The Philippine Tribune, Liberty, KABAYAN, and broadsheet Sun Star Manila as a correspondent in the Province of Bulacan. In 2003 he toured in Los Angeles California, USA, for a month. Before he left the USA, he met Mr. Calvert Dacanay, then the Publisher of TALIBA. Inc. Billones became a columnist and was designated as Bureau Chief of TALIBA, Inc USA, based in the Philippines and he left the USA in 2011. In July 2016, Billones asked to work as a Consultant for Media Affairs, for the City Administrator’s Office at the City of San Jose Del Monte (CSJDM,) Bulacan. ended July, 2022, besides his job in CSJDM, he pursues his passion for writing a weekly columns for RONDA BALITA and RONDA Online News; Board of Editor/Columnist for SAKTO Balita; Columnist for Waterfront News, LATIGO Newspaper, Mabuhay Newspaper, CENTRO News, News Watcher and Luzon Times.
RELATED ARTICLES

LEAVE A REPLY

Please enter your comment!
Please enter your name here

WE ENDORSE

Most Popular

Recent Comments