LUNGSOD NG MALOLOS — Mga mangingisda at magsasaka naman dito sa naturang lungsod ang tumangggap ng tulong-pinansyal na nagkakahalaga ng tig-P3,000 mula sa Pamahalaang Lungsod ng Malolos bilang bahagi ng patuloy na pagsuporta sa kanilang kabuhayan sa gitna ng umiiral na mga hamon sa ekonomiya.
Sa isinagawang distribusyon noong Huwebes (April 23, ipinagpatuloy pa ng lokal na pamahalaan ang pamamahagi ng tulong pinansyal sa mga TNVS drivers at food delivery drivers. Layunin nitong matulungan ang mas maraming sektor na lubos na naapektuhan ng pagtaas ng presyo ng langis at iba pang pangunahing bilihin.
Ayon kay Mayor Christian D. Natividad, ang mga magsasaka at mangingisda ay kabilang sa mga sektor na patuloy na nahaharap sa pabago-bagong kondisyon ng panahon at pagtaas ng gastos sa produksyon. Samantala, ang mga TNVS at delivery drivers naman ay direktang naaapektuhan ng mataas na presyo ng gasolina at kompetisyon sa hanapbuhay.
Ikinatuwa naman ng mga benepisyaryo ang patuloy na suporta ng lokal na pamahalaan. Ayon sa ilang nakatanggap, malaki ang maitutulong ng nasabing halaga upang maibsan ang kanilang pang-araw-araw na gastusin at maipagpatuloy ang kanilang kabuhayan.
Binigyang-diin ni Natividad na ang naturang programa ay bahagi ng kanilang mas malawak na layunin na mapanatili ang katatagan ng kabuhayan ng mga Maloleño, lalo na ang mga nasa sektor na lubhang nangangailangan ng tulong.
Sa kabila ng mga hamon, pa ng alkalde na magpapatuloy ang mga programang naglalayong maiangat ang antas ng pamumuhay ng bawat mamamayan sa lungsod. (UnliNews Online)
Source: Malolos CIO
