CAMP ALEJO SANTOS, Bulacan — Patuloy ang pinaigting na kampanya ng Bulacan Police Provincial Office laban sa iligal na droga matapos maaresto ang 8 drug suspect at makumpiska ang humigit-kumulang Php 89,660.00 na halaga ng hinihinalang shabu sa ikinasang magkakahiwalay na anti-illegal drug operation noong Linggo (Feb. 21).
Ayon sa ulat ng Guiguinto Municipal Police Station, bandang 11:50 p.m. ay nagsagawa ng buy-bust operation ang mga operatiba ng Guiguinto MPS sa Brgy. Sta Cruz, na nagresulta sa pagkakaaresto ng 2 drug suspect matapos mahulihan ng 4 na piraso ng transparent plastic sachet na naglalaman ng hinihinalang marijuana na nagkakahalaga ng P41,250.00 at buy-bust money.
Samantala, sa ulat ng San Jose Del Monte CPS, bandang 8:50 p.m. ay nagsagawa ng operasyon laban sa iligal na droga ang City Drug Enforcement Unit (CDEU), SJDM CPS, sa Brgy. Bagong Buhay I, na nagresulta sa pagkakaaresto ng 4 na drug suspect matapos mahulihan ng dalawang piraso ng heat-sealed transparent plastic sachet na naglalaman ng hinihinalang shabu na nagkakahalaga ng P34,000.00, drug paraphernalia, at buy-bust money.
Dagdag pa rito, batay sa ulat ng Pulilan Municipal Police Station, bandang 10:05 a.m. ay nagsagawa ng buy-bust operation ang mga operatiba ng Pulilan MPS sa Brgy. Longos, Pulilan, na nagresulta sa pagkakaaresto ng 2drug suspect matapos mahulihan ng 4na piraso ng transparent plastic sachet na naglalaman ng hinihinalang shabu na nagkakahalaga ng P16,300.00 at buy-bust money.
Ang mga naarestong suspek ay kasalukuyang nasa kustodiya ng istasyon at mahaharap sa kasong paglabag sa Republic Act No. 9165. Ang mga suspek at ebidensya ay dadalhin sa Bulacan Forensic Satellite Unit para sa drug test at laboratory examination. (UnliNews Online)
