LUNGSOD NG MALOLOS — Isang 17-anyos na lalaki ang nakaposas at may nylon chord na napulupot sa leeg ang natagpuang patay sa isang madamong lugar sa Barangay Telepatio, San Ildefonso, Bulacan noong Biyernes (May 26).
Ayon sa inisyal na imbestigasyon ng San Ildefonso police, marahil ay sinakal muna ang biktima hanggang sa mamatay ito.
Malaki ang paniniwala ng pulisya na pinahirapan muna ang biktima dahil sa mga sugat na nakita sa mukha nito at katawan.
Maari din umanong itinapon lang ang biktima sa naturang lugar upang mailigaw ang imbestigayon.
Nakasuot ng kulay black na t-shirt at at short pants biktima nang madiskubre ang kanyang katawan.
Patuloy ang isinasagawang imbestigasyon ng lokal na pulisya upang matukoy ang may gawa ng krimen. (UnliNews Online)
