CITY OF MALOLOS,Bulacan — Tinupok ng sunog ang principal’s office at library ng Mambog Elementary School sa Barangay Sto. Niño, Malolos City, na nagresulta sa pagkasira ng mahahalagang kagamitan, dokumento at mga aklat ng paaralan.
Kabilang sa mga nasira sa sunog ang mga computer, projector, school documents at mga librong naisalba sana mula sa mga nakaraang pagbaha na nakaapekto sa paaralan.
Nagdulot ang insidente ng malaking pinsala sa dalawang mahahalagang pasilidad ng paaralan, na ginagamit para sa administratibong gawain at mga pang-akademikong aktibidad ng mga mag-aaral.
Sumiklab ang apoy bago mag-alas-9 ng gabi noong Sabado, Setyembre 12, at mabilis na kumalat sa bahagi ng gusali bago rumesponde ang mga tauhan ng Bureau of Fire Protection (BFP).
Kabilang sa mga napinsala ang mahahalagang kagamitan at dokumento ng paaralan, gayundin ang mga aklat na dati nang naapektuhan ng pagbaha at muling naisalba para magamit ng mga mag-aaral.
Walang naiulat na nasaktan o nasawi sa insidente.
Tuluyang naapula ang apoy bago mag-alas-11 ng gabi. Patuloy namang inaalam ng mga awtoridad ang sanhi ng sunog at ang kabuuang halaga ng pinsala. (UnliNews Online)
