LUNGSOD NG MALOLOS — Tinututukan ng Pamahalaang Panlalawigan ng Bulacan ang pagpapalakas sa kakayahan ng mga lokal na pamahalaan upang makahikayat ng mas maraming pamumuhunan, mapahusay ang serbisyo sa mga negosyo, at gawing mas competitive at investment-ready ang lalawigan.
Sa pangunguna ni Gobernador Daniel R. Fernando, at sa pamamagitan ng Provincial Cooperative and Enterprise Development Office (PCEDO), ang pagtitipon ng mga local investment leaders at development partners para sa “Building High-Performing Local Investment Leaders: Strengthening LGUs for a Competitive and Investment-Ready Economy,” na nakatuon sa strategic leadership, collaborative governance at investor-friendly services.
Nakakuha ng praktikal na pananaw ang mga nagsidalo kabilang ang Local Economic Development and Investment Promotion Officers (LEDIPOs), Business Permits and Licensing Officers (BPLOs), planning at development officers ng mga bayan at lungsod, Department of Trade and Industry Region 3 at Bulacan, Central Luzon Growth Corridor Foundation, Inc., Department of the Interior and Local Government, Bulacan Environment and Natural Resources Office, Provincial Planning and Development Office, at PCEDO-Investment Promotion Unit sa nagbabagong tungkulin ng local investment leaders, leadership at cross-functional collaboration, investor expectations, strategic investment packaging, executive pitching, at integrated investment facilitation.
Binigyang-diin ng Puno ng PCEDO na si Abgd. Jayric L. Amil na naiimpluwensyahan ang kalidad ng karanasan ng mga mamumuhunan hindi lamang sa pagkakaroon ng mga oportunidad sa pamumuhunan, kundi kung gaano kaepektibo ang mga lokal na pamahalaan at mga development partner nito sa koordinasyon ng impormasyon, pagpapadali ng mga proseso, pagtugon sa mga alalahanin, pagpapalakas ng tiwala ng mga mamumuhunan, at pagpapanatili ng isang business- at investment-friendly environment.
“Iba-iba man po ang mga bayan at lungsod na ating pinanggalingan, alam ko pong iisa naman ang direksyon natin, ito po ay ang gawin pong mas competitive, mas investment-ready, at mas ready po sa opportunities ang Lalawigan ng Bulacan. Sa huli po, ang gusto po namin ay hindi investment, kundi po mas maraming trabaho, mas maunlad na economy para po sa ordinaryong Bulakenyo,” ani Amil.
Ang mismong pagsasanay ay binubuo ng mga paksa sa The Strategic Role of the Modern Local Investment Leaders, Leadership that Creates Competitive LGUs, Building an Investor-Friendly na tinalakay ni Dr. Ronadel Bedia mula sa GovLearn.PH; at The Investor’s Lens, Strategic Investment Packaging, Executive Pitching, at Integrated Investment Facilitation Roadmap and Priority Deliverables na tinalakay kasama si Rapha Jireh Flores mula sa UrbanKey Global Advisory. (UnliNews Online)
