Monday, July 15, 2024
Amana Water Park
HomeProvincial NewsDTI, nagsagawa ng ‘Ikot Palengke Program’ sa San Antonio

DTI, nagsagawa ng ‘Ikot Palengke Program’ sa San Antonio

IBA, Zambales — Nagsagawa ng monitoring at inspeksyon ang Department of Trade and Industry (DTI) Zambales sa pamilihang bayan ng San Antonio.

Naging katuwang ng ahensya sa pagpapatupad ng programang Ikot Palengke ang Local Price Coordinating Council (LPCC).

Ayon kay DTI Provincial Director Enrique Tacbad, layunin nito na suriin ang presyo at suplay ng mga processed at agricultural basic necessities and prime commodities.

Tinitignan din ang mga timbangan kung tama at kung ang mga bilihin ay may naaangkop na presyo.

Dagdag pa ni Tacbad, ito ay inisyatibo ng kagawaran upang maseguro ang proteksyon ng mga mamimili laban sa hindi patas na kalakalan at proteksyon ng mga konsyumer.

May mahigit 85 na pwesto sa palengke ang inspeksyon at wala aniyang nakitaang depektibo.

Samantala, hinihimok ng DTI ang lahat na maging matalino, mapanuri at disiplinadong mamimili.

Ang LPCC ay binubuo ng Office of the Municipal Mayor, Municipal Agriculture Office, Office of the Market Master at Municipal Treasurer’s Office.

Source: PIA Region 3

RELATED ARTICLES

WE ENDORSE

Most Popular

Recent Comments