Camp General Alejo S Santos, Malolos City, Bulacan — Arestado ang walong indibidwal na sangkot sa ilegal na droga sa magkahiwalay na buy-bust operations na isinagawa ng Bulacan PPO nitong Hulyo 23, 2026.
Ayon sa ulat ni P/Lt. Col. Eric C. Cister, Hepe ng Pulilan MPS, isang lalakeng nagngangalang alias Niko ang naaresto sa buy-bust operation na isinagawa ng Station Drug Enforcement Unit ng Pulilan Police Station noong Huwebes (July 23) dakong alas-11 ng gabi sa Brgy Cut Cot, Pulilan, Bulacan, narecover mula sa suspek ang 5 sachet ng hinihinalang shabu na may tinatayang halagang P36,788.00 gayun din ang buy-bust money.
Samantala, ayon sa ulat na isinumite ng mga Chief of Police ng Guiguinto, Bustos, Plaridel, Bustos at Meycauayan C/MPS, magkakahiwalay na drug-bust operations na isinagawa ng kani-kanilang Station Drug Enforcement Units na nagresulta sa pagkakaaresto ng 7 drug pushers at pagkakasabat ng hinihinalang shabu at marijuana na may tinatayang halaga na Php 126,204.00, kasama ang buy-bust money.
Ang mga naarestong suspek at nakumpiskang ebidensiya ay dinala sa Bulacan Forensic Unit para sa kaukulang pagsusuri, habang inihahanda na ang mga kasong paglabag sa Republic Act 9165 (Comprehensive Dangerous Drugs Act of 2002) na isasampa laban sa mga suspek. (UnliNews Online)
