LUNGSOD NG MALOLOS — Dahil sa dedikasyon sa serbisyo at patuloy na kahusayan, natamo ng Malolos City Police Station ang Rank No. 1 sa provincewide sa Unit Performance Evaluation Rating (UPER) as of August 2026 na my rating na 91.038% at nasa Rank No. 6 sa regionwide.
Ang tagumpay na ito ay bunga ng sama-samang pagsisikap, disiplina, propesyonalismo, at dedikasyon ng mga kapulisan ng Malolos sa pagtupad ng kanilang tungkulin at pagpapanatili ng kapayapaan at kaligtasan sa nasabing lungsod.
Sa unang buwan ng pamumuno ni P/Lt. Col. Jordan G. Santiago bilang acting Chief of Police ng Malolos City Police Station, agad na naipamalas ang kanyang epektibong pamumuno sa pamamagitan ng mas pinaigting na pagpapatupad ng mga programa at operasyon kontra kriminalidad, pagpapalakas ng police visibility, pagpapalalim ng pakikipag-ugnayan sa komunidad, at pagpapaigting ng mga public safety initiatives.
Ang pagkamit ng 91.038% rating ay nagsisilbing patunay ng patuloy na pagsusumikap ng bawat isang miyembro ng Malolos PNP na maibigay ang mabilis, tapat, at nararamdamang serbisyo sa mamamayan.
Samantala, kinilala rin ng Malolos CPS ang mahalagang suporta ng butihing Mayor Atty. Christian D. Natividad, gayundin ng mga katuwang na ahensya, Barangay, Force Multipliers, BPATs at iba pang stakeholders na patuloy na nakikiisa sa mga programa ng kapulisan.
Ang pagkilalang ito ay hindi lamang tagumpay ng isang tanggapan, kundi tagumpay ng buong komunidad ng Malolos na patuloy na nakikipagtulungan para sa isang ligtas, maayos, at mapayapang lungsod.
“Malolos PNP, Serbisyong Mabilis, Tapat, at Nararamdaman”. (UnliNews Online)
