PANDI, Bulacan — Buong pusong nagpasalamat si Mayor Enrico Roque kay Senator Christopher Lawrence “Bong” Go dahil sa walang humpay nitong pagtulong sa pamamagitan ng pagpapadala ng ayuda sa mga Pandieño tuwing dumaranas ng kalamidad.
Ayon sa alkalde, dahil na rin sa hindi inaasahang biglaang pag-agos ng tubig at baha sa bayan ng Pandi ay hindi naman po maikakaila ang walang kasukat na pag-agos ng tulong at suporta sa ating bayan mula sa ating mga senador.
Ilang senador na rin ang nagpadala ng agarang tulong sa mga Pandieño na lubhang naapektuhan ng matinding pagbaha dulot ng mga bagyong Egay at Falcon at at hanging habagat.
“At kabilang na dyan ay ang ating kaibigan at napakabuting Senador, Senador Bong Go. Wala akong masabi kundi Maraming Salamat. Sapagkat anumang panahon talagang hindi mo kami nakakalimutan. Lagi kang nangangamusta at laging nakasuporta sa bayan ng Pandi at bawat Pandieño,” ani Mayor Roque. (UnliNews Online)
