Tuesday, May 21, 2024
Amana Water Park
HomeUnliNews BulacanSen. Go, pinangunahan ang pamamahagi ng AICS sa Sta. Maria

Sen. Go, pinangunahan ang pamamahagi ng AICS sa Sta. Maria

STA. MARIA, Bulacan — Pinangunahan ni Senador Christopher Lawrence “Bong” Go katuwang si Congressman Salvador Pleyto, ng ika-6 na distrito ang pamamahagi ng tulong ng Department of Social Welfare and Development (DSWD) Assistance to Individuals in Crisis Situation (AICS) sa Sitio Dulong Bayan, Brgy. Poblacion, Santa Maria, Bulacan nung Martes (March 21).

Ibinahagi ng senador ang tulong sa may 1,000 benepisyaryo sa Sitio Dulong Bayan sa nasabing barangay.

Ang mga benepisyaryo ng Bulakenyo sa Santa Maria ay bahagi ng sektor na tinutulungan sa ilalim ng DSWD AICS na kasama sa mga serbisyong proteksiyon ng ahensya para sa mga indibidwal na kabilang sa mga mahihirap, marginalized, vulnerable, at disadvantaged na sektor.

Nilalayon ng AICS na magbigay ng agarang tulong sa mga pamilya at indibidwal na nakaranas ng mga krisis tulad ng mga insidente ng sunog at baha.

Ang bawat recipient ay tumanggap ng P3,000 mula sa DSWD-AICS, habang ang family food packs, vitamins, face masks, at basketball para sa mga kabataan ay ibinigay sa kanila ng Office of Senator Go.

Dumalo rin sa pamamahagi sina Sta Maria Mayor Bartolome R. “Omeng” Ramos, Vice Mayor Eboy Juan, at ilang konsehal ng bayan.

Sinabi ni Sen Go na hindi siya pumupunta sa bayan para lamang dalhin ang serbisyo publiko kundi para mapangiti ang mga tao.

“Huwag po kayong magpasalamat sa akin, trabaho ko ang magserbisyo sa inyo,” ani Sen. Go.

Ang AICS ay kabilang sa mga protective services ng DSWD kasama ng supplemental feeding program, social pension, disaster risk management, at community-based services. (UnliNews Online) 

Manny D. Balbin
Manny D. Balbinhttp://unlinews.org
Emmanuel "Manny" Dineros Balbin, founder and editor-in-chief of UNLINEWS ONLINE and UNLINEWS Digital Newspaper, is a former seminarian of Oblates of Mary Immaculate (OMI) in Notre Dame University Seminary in Cotabato City. Graduated college with Philosophy and Political Science courses at the University of Santo Tomas, Legazpi City. A former Journal Group of Publication (People's Journal, People's Tonight, Taliba & Women's Journal) staffer for 17 years. Before, he simultaneously contributed news articles to 3 local newspapers in Bulacan (NewsCore, MetroNews & NewsWatcher). He is the founder and the former editor-in-chief of RONDA Balita, both in weekly newspaper and online news. A former Kabayan provincial reporter, 2010 Bulacan election correspondent by Rappler and presently, a stringer of Philippine News Agency (PNA) Bulacan.
RELATED ARTICLES

LEAVE A REPLY

Please enter your comment!
Please enter your name here

WE ENDORSE

Most Popular

Recent Comments