CALUMPIT, Bulacan — Dinumog hindi lang ng mga Bulakenyo kundi maging taga-ibang bayan ng Pampanga ang kauna-unahang Longganisa Festival 2023 na ginanap ng Pamahalaang Lokal alinsunod sa paggunita ng Ika-451st Founding Anniversary nitong Biyernes (March 24).
Ayon kay Calumpit Mayor Glorime M. Faustino at Vice Mayor Zacarias C. Candelaria na pinangunahan ang pagbubukas nang unang araw ng selebrasyon na plano nilang i-level up ang kanilang mga produktong longganisa para sa mas malaking merkado.
Idinagdag pa ng alkade na naghanda sila ng iba’t ibang aktibidad kabilang ang King and Queen Longganisa pageant na nilahukan ng mga lokal na residente at ang street dancing competition.
Aniya, bukod sa mas malaking pamilihan, nais naming i-export ang longganisa sa tulong ng mga local government units gayundin ng Pamahalaang Panlalawigan at iba pang sektor ng negosyo.
Upang simulan ang pagdiriwang, nag-organisa ang mga residente ng Calumpit ng 500-meter longganisa boodle fight kung saan mahigit 3,000 katao ang sumali na ginanap sa Calumpit-Pulilan road.
Sinabi ni Mau Torres, konsehal ng bayan at chairman ng komite ng turismo, na may sukat na 514 metro ang haba ng boodle fight at tampok ang “Longganisang Bawang.”
Kilala ang Calumpit sa sikat na variant ng longganisa na tinatawag na Longganisang Bawang na gawa sa lean na baboy, taba ng baboy, bawang, bay leaves, brown sugar, toyo, suka, asin, black pepper, paprika, at sili.
Dumalo sa nasabing selebrasyon ang Bulacan Vice Governor Alexis C. Castro na kinatawan ni Gobernador Daniel R. Fernando kasama si Board Member Mina Fermin.
Sa kabilang banda, nagpahayag ng pasasalamat ang mga gumagawa ng Longganisa sa pamahalaang munisipyo ng Calumpit sa pagdaraos ng First Calumpit Longganisa Festival.
Sinabi ni P/Lt. Pinangunahan ni Col. Rey M. Apolonio, hepe ng Calumpit police ang paghahanda sa seguridad at kaligtasan para sa pagdiriwang ng pagdiriwang. (UnliNews Online)
