BALIWAG CITY, Bulacan — Pinangunahan nina Senador Joel Villanueva at Baliwag City Mayor Ferdinand Estrella ang pagpapasinaya ng Community Plastic Station sa Central Kalikasan Center, Sitio Mulawin Bata, Brgy. Tarcan sa naturang lungsod nu’ng Thursday (March 23).
Ayon sa Department of Trade and Industry (DTI), ang nasabing Platic Station ay magsisilbing Material Recovery Facilities ng Pamahalaang Lungsod ng Baliwag.
Isa itong Shared Service Facility o SSF na dudurog sa anumang uri ng plastik upang maging materyales sa paggawa ng hollow blocks at mga bricks.
Ang nasabing proyekto ay pinondohan ng DTI sa halagang P950 thousand.
Ayon kay Mayor Estrella, target ng pamahalaang lungsod na unti-unti nang magamit ang mga hollow bocks at mga bricks sa iba’t ibang proyektong pang-imprastraktura. (UnliNews Online)
Source: PIA Bulacan
