LUNGSOD NG MALOLOS — Hindi bababa sa 115 residente ng nabanggit na lungsod ang nakatanggap ng mga assistive devices tulad ng wheelchair, walker, blood pressure monitor, at nebulizer mula kay Malolos City Mayor Christian D. Natividad nu’ng Miyerkules (Marso 29).
Ang pamamahagi ng mga kagamitan ay bahagi ng pangako ni Natividad na ilapit ang serbisyo ng Munisipyo sa kanyang mga nasasakupan sa 51 barangay ng lungsod.
Ilan sa mga benepisyaryo mula sa Barangay Catmon at Santor sa lungsod ay dumaranas ng iba’t ibang karamdaman.
Binigyan sila ng alkalde ng 50 wheelchair, 20 walker, 20 blood pressure monitor, at 25 nebulizer. (UnliNews Online)
