CAMP OLIVAS, Pampanga – Arestado ng pulisya ang isang umano’y miyembro ng international drug syndicate na nag-ooperate sa Central Luzon at mga kalapit na lalawigan sa inilatag na anti-illegal drug operation noong Linggo (Aug. 6) sa Barangay Balite, City of San Fernando, Pampanga.
Kinilala ni Police Regional Office 3 director Brigadier General Jose Hidalgo Jr. ang suspek na si Philip Craig Joseph, 53, British national at pansamantalang naninirahan sa Angeles City.
Sinabi ni Hidalgo na ang Filipino cohort ng suspek na kinilalang si Duane Bariso Manuel, 45, ng Angeles City ay naaresto rin sa isinagawang drug bust ng magkasanib na operatiba ng Pampanga Provincial Drug Enforcement Unit, Pampanga Provincial 1st Mobile Force Company at City of San Fernando Police Station.
Matapos kumpirmahin sa Philippine Drug Enforcement Agency (PDEA) ang pagkakasangkot nina Joseph at Manuel sa iligal na droga, agad na nag-utos si Hidalgo ng entrapment operation para madakip ang mga suspek.
Hindi naman nanlaban ang dalawa sa pag-aresto ng mga pulis matapos matanggap ang P1,000 marked money mula sa isang undercover agent kapalit ng isang sachet ng shabu.
Agad na nagsagawa ng masusing paghahanap sa loob ng sasakyang Honda Civic (WHT-366) na ginamit ng mga suspek sa kanilang iligal na pakikipagkalakalan ng droga at nasamsam ang 12 heat-sealed transparent plastic sachet na naglalaman ng hinihinalang shabu na humigit-kumulang 65 gramo ang bigat at tinatayang may street value na aabot sa P442,000.
Bukod sa kotse, nakuha rin ng mga pulis sa mga suspek ang P1,000 marked money na ginamit sa buy bust, isang gray na pouch, at isang Samsung phone.
Nakadetine sa kasalukyan ang mga suspek sa District Jail ng City of San Fernando matapos ang pagsasampa ng kasong paglabag sa Section 5 at Section 11 ng Republic Act No. 9165 sa korte.
Ayon pa kay Hidalgo na patuloy ang isinasagawang operasyon habang pinalalakas ng Central Luzon police ang pagsisikap na mapuksa ang paglaganap ng iligal na droga upang makamit ang drug-free region. (UnliNews Online)
-
Baliwag vendors help return juvenile reticulated python to the wild
BALIWAG CITY, Bulacan — Two young vendors from this city helped return a juvenile Reticulated Python (Malayopython reticulatus) to the wild after voluntarily turning over the reptile to the Department of Environment and Natural Resources (DENR). The said snake was found near Living Angels Christian Academy in Barangay Sto. Cristo, in Baliwag while the two…
-
San Ildefonso, Bulacan’s online bomb threat suspect, nabbed!
CAMP ALEJO SANTOS, Bulacan — An 18-year-old suspect in an allegedly behind a series of online bomb threats targeting several public and private schools in San Ildefonso, Bulacan, was arrested on Tuesday night (July 21). The suspect was apprehended at about 6:29 p.m. on Tuesday in Barangay Hilera, Jaen, Nueva Ecija, through the joint efforts…
-
245 Bataan beneficiaries receive first expanded UPLIFT cash assistance
ORANI, Bataan (PIA) — Some 245 poor and near-poor residents of Orani, Bataan received their first P2,000 cash assistance under the expanded Unified Package for Livelihoods, Industry, Food, and Transport (UPLIFT) program, strengthening the Marcos administration’s efforts to help vulnerable families cope with rising living costs. The Department of Social Welfare and Development, in cooperation…
